«Atletiko» Feliksning keyingi ijarasi uchun «Barsa»dan qancha talab qilayotgani ma'lum bo'ldi

«Atletiko» hujumchisi Joau Feliks joriy mavsumda ijara asosida "Barselona" safida to'p tepmoqda. Kataloniyaliklar ijara shartnomasini uzaytirishni rejalashtirishmoqda.

"Relevo" tarqatgan xabarga ko'ra, «Atletiko»ning o'zi ham portugaliyalik futbolchini ortga qaytarmoqchi emas. Ammo uni arzon ijara narxi evaziga kataloniyaliklarga berib qo'ymoqchi emas. Madridliklar Joauning keyingi ijarasi uchun 15 million evro so'ragan holda keyinchalik futbolchining transferini majburiy amalga oshirishni talab qilishmoqda.

Feliks Ispaniya chempionatining joriy mavsumida 15 ta o'yinda maydonga tushib, 3 gol urdi va 3 golga uzatma berdi.

Manba: sports.ru