«Real»ga Varan kerakmi?

«Real» rahbariyati «Manchester Yunayted» himoyachisi Rafael Varanni ortga qaytarish haqida o'ylamayapti. Bu haqda "Marca" nashri xabar tarqatdi.

Manbaga ko'ra, klubda hech kim Varan bilan shartnoma imzolash haqida o'ylab ko'rmagan. Frantsiyalik futbolchi haqida so'nggi kunlarda tarqatilgan xabar mish-mishdan boshqa narsa emas.

Eslatib o'tamiz, Varan 10 yil davomida (2011-2021) «Real» sharafini himoya qilgan. U mazkur davr mobaynida 360 ta rasmiy o'yinda maydonga tushib, 17 gol va 7 assist muallifiga aylangan.