"Inter" "Bryugge" futbolchisi bilan kelishib oldi

Milanning "Inter" klubi "Bryugge" o'ng qanot himoyachisi bilan yangi shartnoma shartlari bo'yicha kelishuvga erishdi. Jurnalist Nikolo Skira bergan xabarga ko'ra, Kanada terma jamoasi futbolchisi 2028 yilning yoziga qadar shartnoma imzolashga rozi bo'lgan.

Eslatib o'tamiz, Byukenen o'ng qanot himoyachisi pozitsiyasini mustahkamlashda "Inter" uchun ustuvor nomzod hisoblanadi. Hozircha muammo "Bryugge" talab qilayotgan tovon miqdorida. Belgiya klubi futbolchi uchun taxminan 20 million evro olmoqchi, biroq "Inter" chegirma olishga umid qilmoqda.

Avvalroq "Inter" jiddiy jarohat olgan o'ng qanot himoyachisi Xuan Kuadradoni bir necha oyga yoqotgan edi.