"Barselona", "Arsenal" va "MYu" qiziqish bildirayotgan futbolchi "Jenoa" bilan shartnomani uzaytiradi

"Jenoa" himoyachisi Radu Dregushin o'z klubi bilan yangi shartnoma imzolaydi.

Buni jamoaning sport direktori Marko Ottolini ham tasdiqladi: "U 2028 yilning iyunigacha yangi shartnoma imzolaydi".

Avvalroq, "Barselona" futbolchini kuzatayotgani haqida ma'lumotlar bor edi. Unga "Manchester Yunayted", "Arsenal" va "Nyukasl" ham qiziqish bildirmoqda.

Eslatib o'tamiz, yozda "Jenoa" futbolchini bir yillik ijaradan keyin "Yuventus"dan 5,5 million evroga sotib olgandi. Uning klub bilan shartnomasi 2027 yilning yoziga qadar amal qiladi.

Joriy mavsumda Radu “Jenoa” safida 19 ta o'yinda maydonga tushib, 1 ta gol va 1 ta golli uzatmaga mualliflik qilgan.