"Aston Villa"ga hujumchi kerak

"Aston Villa" tez orada yangi hujumchi xarid qilishi mumkin. Xabarlarga ko'ra, Chempionship vakili "Norvich Siti" futbolchisi Jonatan Rou birmingemliklar radariga tushgan. Unai Emeri APLda kurashish uchun jamoasini kuchaytirib olmoqchi.

"Aston Villa" ayni damda 3 o'rinni egallab turibdi. Bu klub so'nggi 15 ta uy bahsini g'alaba bilan yakunlagan. Rou esa ularga yanada yaxshiroq bo'lish uchun yordam beradi. 20 yoshli hujumchi 15 million funtga baholanmoqda. U hozirga qadar 10 ta golga mualliflik qildi.