Chempionship klubi "Yuventus" futbolchisi uchun 30 million evro sarflamoqchi

Turinning "Yuventus" klubi hujumchisi Matias Sule faoliyatini Angliya ikkinchi divizionida davom ettirishi mumkin.

La Stampa nashri xabariga ko'ra, "Sautgempton" argentinalik forvard uchun 30 million evro to'lashga tayyor.

Sule hozirda "Frozinone"da ijara asosida o'ynamoqda. "Yuventus" agar to'liq transfer uchun xaridor topsa, Matiasning "Frozinone"dan qaytarib olish muammosi bo'lmaydi.

Sule joriy mavsum Italiya chempionatida 6 ta gol urdi va 1 ta golli uzatmani amalga oshirdi. Matiasga avvalroq Angliyaning boshqa bir klubi - Premer-ligada o'ynaydigan "Nyukasl" ham qiziqish bildirgandi.