"MYu" yanvar oyida shov-shuvli transferlarni amalga oshirmaydi

"Manchester Yunayted"ning yanvar oyidagi transfer oynasida katta mablag' sarflashi kutilmaydi.

Jurnalist Rob Douson bergan ma'lumotlarga ko'ra, "mankunianliklar" moliyaviy feyr-pley bilan bog'liq muammolar tufayli yuqori darajadagi transferlarni amalga oshira olmaydi.

Qayd etilishicha, "Manchester Yunayted" ko'pi bilan ijaraga olingan futbolchilar bilan o'z tarkibini kuchaytirishi mumkin. Shartnomasi tugash arafasida turgan futbolchilarni transfer qilish ham mumkin.

Avvalroq, "Manchester Yunayted" 30-40 million evroga baholangan "Nitstsa" markaziy himoyachisi Jan-Kler Todiboning transferi bilan bog'liq edi. Biroq, "mankunianliklar" yanvarda birinchi o'yinchini sotmasdan turib, bunday mablag'ni sarflay olishi dargumon.