"Barselona" futbolchisi "Milan"ga o'tishga rozi bo'ldi

"Aston Villa" markaziy himoyachisi Kleman Langle Italiyaning "Milan" klubiga o'tishga rozilik berdi. Bu haqda Ispaniyaning Sport nashri xabar berdi.

Frantsiyalik futbolchi joriy mavsumda “Aston Villa”da ijara asosida to'p surmoqda, biroq Angliya Premer-ligasida hali bir daqiqa o'ynagani yo'q. Kleman Unai Emeri jamoasidagi o'rnidan norozi va yanvarda o'zining klubini o'zgartirmoqchi.

Langlega bo'lgan huquqlar "Barselona"ga tegishli bo'lib, u yozda futbolchini doimiy ravishda sotmoqchi. "Milan"ga zudlik bilan yangi markaziy himoyachi kerak. Frantsiyalik futbolchi Italiya A Seriyasida o'zini sinab ko'rishga qarshi emas.