"Vest Xem" "Shtutgart" hujumchisi uchun "MYu" bilan kurashishga tayyor

Seru Girassi "Shtutgart"da ajoyib mavsumni o'tkazmoqda va natijada futbolchi Evropa gigantlarining nishonida turibdi.

Girassi "Manchester Yunayted" bilan jiddiy bog'langan, ammo futbolchining boshqa variantlari bor. TalkSPORT nashri xabariga ko'ra, "Vest Xem" 27 yoshli forvardni sotib olish uchun kurashishga tayyor. London klubi o'z tarkibida to'purar ko'rishni istaydi.

2023/2024 yilgi mavsumda 15 ta o'yinda Girassi 18 ta gol urdi. Bundan tashqari, hujumchi sheriklariga ikkita muvaffaqiyatli uzatmani taqdim etdi.

Transfermarkt portali Seru Girassini 40 million evroga baholaganini qo'shimcha qilamiz.