"Yuventus" "Manchester Siti" futbolchisining transferi borasida muzokaralarni boshladi

Turinning "Yuventus" klubi "Manchester Siti" yarim himoyachisi Kelvin Fillipsning transferi bo'yicha muzokaralarni boshladi. Bu haqda italiyalik jurnalist Fabritsio Romano o'zining ijtimoiy tarmoqlarida ma'lum qildi.

Manbaning qayd etishicha, Fillips Italiyaga ko'chib o'tishga tayyor, "Manchester Siti" esa murabbiy Pep Gvardiolaning rejalariga kirmaydigan futbolchini qo'yib yuborishga tayyor. "Yuventus" shartnomani sotib olish optsiyasi bilan ijara asosida rasmiylashtirmoqchi. Tomonlar angliyalik futbolchining maoshining qancha qismini "Manchester Siti" qoplashi borasida haligacha kelisha olishmadi.

Eslatib o'tamiz, avvalroq Fillipsga "Nyukasl" va "Manchester Yunayted" ham qiziqayotgan edi.