"Liverpul" futbolchisi Turkiya chempionatiga o'tishga yaqin turibdi

"Liverpul" yarim himoyachisi Tyago Alkantara Angliya Premer-ligasini tark etib, faoliyatini Turkiya chempionatida davom ettirishi mumkin.

Todofichajes portali ma'lum qilishicha, "Trabzonspor" 32 yoshli futbolchini o'z safiga qo'shib olmoqchi. Tyago va "mersisaydliklar" o'rtasidagi amaldagi shartnoma muddati kelasi yilning o'rtalarigacha hisoblangan. Alkantaraning transfer narxi 12 million evroga baholanmoqda.

Ispaniyalik futbolchi Angliya chempionatining joriy mavsumida birorta ham o'yin o'tkazmadi. O'tgan Premer-ligada yarim himoyachi 18 ta o'yin o'tkazib, ikkita sariq kartochka oldi.