Saudiya klubi "Barselona" futbolchisi uchun 100 million evro to'lashga tayyor

Kataloniyaning "Barselona" klubi vingeri Rafinya Diasni endi daxlsiz futbolchi deb hisoblamaydi. Sport nashri xabariga ko'ra, "ko'k-anorranglilar" braziliyalik futbolchini sotishga tayyor.

Manbaning xabar berishicha, Saudiya Arabistoni klubi Rafinya xizmatlariga qiziqish bildirmoqda. Shu bilan birga, "Barselona" futbolchining transferidan 100 million evro ishlab olmoqchi.

Qayd etilishicha, Rafinyaning o'zi hamon “Barselona”ni tark etishni butunlay rad etmoqda. "Lids"ning sobiq futbolchisi joriy mavsum Ispaniya chempionatida ikkita gol urdi va to'rtta golli uzatmani amalga oshirdi.