"Real" posboni A Seriyasiga ko'chib o'tishi mumkin

Ukrainalik darvozabon Andrey Lunin joriy mavsum yakunlangach, "Real"ni tark etadi, deya xabar bermoqda Todofichajes nashri.

Manbaning xabar berishicha, darvozabon faoliyatini Italiya chempionatida davom ettirish imkoniyatiga ega. Lunin xizmatlariga "Napoli" qiziqish bildirmoqda. Potentsial transfer summasi 12 million evroga baholanmoqda. Luninning "Los-Blankos" bilan amaldagi shartnomasi 2025 yilning o'rtalariga qadar tuzilgan.

Ispaniya chempionatining joriy mavsumida Lunin "Qirollik klubi" safida ettita o'yin o'tkazdi. Andrey to'rtta gol o'tkazib yubordi va uchta o'yinda darvozasi daxlsizligini saqlab qoldi.