"Real" "Zenit" futbolchisini kuzatmoqda

Sankt-Peterburgning "Zenit" klubi himoyachisi Robert Renan faoliyatini Evropada davom ettirishi mumkin. Jurnalist Mario Kortegan ijtimoiy tarmoqlar orqali xabar berishicha, "Real Madrid" Janubiy Amerikalik futbolchiga qiziqish bildirmoqda.

Manbaning ta'kidlashicha, "Qirollik klubi"ning bosh skauti Yuni Kalafat braziliyalik futbolchini shaxsan tekshirmoqda.

Avvalroq matbuotda "Zenit" yanvardagi transfer oynasida Renanni sotishi mumkinligi haqida xabarlar tarqalgan edi. Unga Braziliya klublari qiziqish bildirmoqda.

Robert va "ko'k-oq-ko'klar" o'rtasidagi shartnoma 2028 yilning yoziga qadar mo'ljallangan. Futbolchining transfer qiymati 9 million evroni tashkil qiladi.