"Chelsi" qishki transfer bozorida faol qatnashadi

Londonning "Chelsi" klubi qishki transfer oynasiga to'liq tayyorgarlik ko'rmoqda. Jurnalist Nizar Kinsellaning so'zlariga ko'ra, Maurisio Pochettino birinchi navbatda yangi hujumchi sotib olmoqchi, biroq murabbiy yarim himoya va markaziy himoyachi pozitsiyalarini ham kuchaytirishni istaydi.

Qayd etilishicha, "Chelsi"ning forvard pozitsiyasini mustahkamlash bo'yicha maqsadlari ro'yxatidan "Napoli"dan Viktor Osimxen, Lissabonning "Sporting" klubidan Viktor Dyokersh va "Brentford"hujumchisi Ayvan Tonilar joy olgan.

Eslatib o'tamiz, “Chelsi” Angliya Premer-ligasida o'ninchi o'rinda bormoqda.