«PSJ» Kazemiroga e'tibor qaratmoqda

«Manchester Yunayted» yarim himoyachisi Kazemiroga «PSJ» klubi qiziqish bildirmoqda. Bu haqda Sport.es xabar tarqatdi.

Manbaga ko'ra, braziliyalik futbolchining o'zi ham Parij klubiga ko'chib o'tish imkoniyatini o'rganmoqda. "MYu" evrokuboklarning bahorgi mavsumga chiqa olmagani, klubning keyingi mavsumda Chempionlar ligasida ishtiroki so'roq ostida turgani Kazemironing qaror qabul qilishida muhim rol o'ynashi mumkin. Bundan tashqari, "Pari Sen-Jermen" futbolchiga hozirgiga qaraganda ko'proq maosh taklif qilish ehtimoli yuqori.

Kazemiro 2022 yilning yozida «Real»dan «Manchester Yunayted»ga o'tgandi. Uning mankunianliklar bilan shartnomasi 2026 yilning yoziga qadar tuzilgan.