"Al-Hilol" Kazemiroga yiliga 20 million evro maosh berishga tayyor

Saudiyaning "Al-Hilol" klubi "Manchester Yunayted" yarim himoyachisi Kazemiroga yiliga taxminan 20 million evro maosh taklif qilmoqchi. Bu haqda Sports Zone nashri xabar bermoqda.

Manbaga ko'ra, futbolchining agentlari Saudiya Arabistonidan tushadigan takliflarni ko'rib chiqishga tayyor. Shuningdek, futbolchiga qiziqish bildirayotgan "PSJ" va Italiyaning nomi oshkor etilmagan bir klubi taklif bilan allaqachon tanishib bo'lgani xabar qilingan.

Eslatib o'tamiz, 31 yoshli Kazemiro 2022 yilning yozida Transfermarkt portali ma'lumotlariga ko'ra, 70 million evro evaziga “Real Madrid”dan “qizil iblislar”ga o'tgan edi. Joriy mavsumda u jamoa tarkibida 12ta o'yinda maydonga tushdi. To'rtta gol urdi va bitta golli uzatmani amalga oshirdi.