"Yuventus" Vlaxovich borasidagi takliflarni ko'rib chiqishga tayyor

"Yuventus" 23 yoshli hujumchi Dushan Vlaxovich bilan xayrlashishga tayyor, deya xabar bermoqda jurnalist Fabritsio Romano ijtimoiy tarmoqda.

Manbaning xabariga ko'ra, Turin klubi o'tgan yozda bo'lgani kabi forvard uchun fafat katta taklifni ko'rib chiqishga tayyor.

Serbiyalik futbolchining turinliklar bilan shartnomasi 2026 yilning 30 iyuniga qadar mo'ljallangan. Transfermarkt portali uni 70 million evroga baholamoqda.

Joriy mavsumda Vlaxovich Italiya chempionatida 13 ta o'yinda qatnashib, o'yinlarda 5 ta gol urdi va jamoadoshlariga bitta golli uzatmani amalga oshira oldi.

U avvalroq "Fiorentina" va "Partizan" klublarida o'ynagan.