"Arsenal" bu futbolchi uchun 100 million funt to'lashi kerak

"Aston Villa" o'z futbolchisiga narx belgiladi. Xabarlarga ko'ra, birmingemliklar yarim himoyachisi Duglas Luis qishda jamoadan ketishi mumkin. Ammo u uchun da'vo qilayotgan klublar 100 million funt to'lab berishi kerak bo'ladi.

25 yoshli Braziliya terma jamoasi a'zosi bu mavsumda fantastik daraja namoyish etmoqda. Luis hozirga qadar 24 ta bahsda 6 ta gol va 4 ta assistga mualliflik qilgan. Uning amaldagi bitimi 2026 yilda yakun topadi. Duglas Luis uchun "Arsenal" qiziqish bildirgan.