Vardi Saudiyaga yo'l olishi mumkin

“Lester Siti” hujumchisi Jeymi Vardi yozda faoliyatini Saudiya Arabistonida davom ettirishi mumkin.

Caught Offside nashri xabariga ko'ra, ikki mahalliy klub ingliz futbolchisini "Lester" bilan shartnomasi tugagach, erkin agent sifatida o'z safiga taklif qilmoqchi.

Manbaga ko'ra, Vardiga "Ash-Shabab" va "Al-Qodisiya" klublari qiziqish bildirmoqda. Vardining o'zi hali keyingi mavsumda faoliyatini qaerda davom ettirishini hal qilmagan.

Ushbu mavsumda Jeymi chempionatning 18 o'yinida 6 ta gol urdi va bitta golli uzatmani amalga oshirdi. 36 yoshli hujumchi Entso Mareski jamoasida har doim ham asosiy tarkibda maydonga tushavermaydi.