"MYu" va "Borussiya" (D) bugun muzokara olib boradi

Bugun Dortmundda "Manchester Yunayted" va "Borussiya" vakillari Jeydon Sanchoni Doniel Malenga almashish bo'yicha muzokaralar olib borishadi. Bu haqda Bild xabar bermoqda.

Qayd etilishicha, "Borussiya" yo Malenni Sanchoga almashtirishni yoki o'z futbolchisini 30 million evroga sotish variantini amalga oshirmoqchi.

Doniel Malen 24 yoshda, Transfermarkt portali futbolchini 35 million evroga baholamoqda. Joriy mavsumda hujumchi 19 ta o'yinda maydonga tushib, o'z hisobiga 5 ta gol hamda 2 ta golli uzatma yozdirib qo'ygan.

Sentyabr oyida Erik ten Xag bilan mojaro tufayli "Manchester Yunayted" mashg'ulotlaridan chetlashtirilgan 23 yoshli Sancho 32 million evroga baholanmoqda.