"Liverpul" Matipning o'rniga Bundesligadan himoyachi topdi

Himoyachi Joel Matip "Liverpul"da uzoq vaqt o'ynamaydi, chunki u tizzasidan jiddiy jarohat oldi. Vaziyatni inobatga olgan holda, Premer-liga klubi himoya chizig'iga yangi o'yinchi izlab yanvardagi transfer bozoriga kirishi mumkin. Mirror nashrining xabariga ko'ra, "qizillar" "Volfsburg" a'zosi Maksans Lakruaga ko'z tikishgan.

Lakruaning Bundesliga klubi bilan amaldagi shartnomasi 2025 yilning o'rtalariga qadar tuzilgan. Qishda 23 yoshli futbolchining narxi 35 million evro atrofida bo'lishi mumkin.

“Liverpul” ayni damda Angliya chempionati turnir jadvalida ikkinchi o'rinda bormoqda.