"Real" "Inter" futbolchisini Madridga olib kelish imkoniyatlarini o'rganib chiqmoqda

"Real Madrid" jamoasi tarkibni kuchaytirish imkoniyatlarini o'rganmoqda.

TodoFichajes nashri xabariga ko'ra, madridliklar "Inter" a'zosi Denzel Dyumfrisga ko'z tikishgan. Niderlandiyalik juda ko'p qirrali futbolchi - u butun o'ng qanotda o'ynay oladi.

Amaldagi shartnoma Dyumfrisni "Inter" bilan 2025 yilning o'rtalariga qadar bog'laydi. "Neradzurrilar" yangi shartnoma bo'yicha muzokaralar olib bormoqchi, ammo 27 yoshli futbolchi bilan muzokaralar jarayoni qiyin kechmoqda.

Denzel Dyumfrisning bozor qiymati 28-35 million evroga baholanmoqda. Joriy mavsumda niderlandiyalik futbolchi 16 ta o'yinda maydonga tushib, ikkita gol urdi va sheriklari uchun 4 ta golli uzatmani amalga oshirdi.