"Aston Villa" o'z yarim himoyachisiga so'nggi narxni belgiladi

"Aston Villa" yarim himoyachi Duglas Luis uchun 110 million funt sterling narx belgiladi, deya xabar bermoqda Football Transfers nashri.

Manbaga ko'ra, klub "Arsenal" kabi jamoalarning qiziqishini kuchaytirish uchun shunday narx belgilagan.

Luis 2019 yilning iyul oyida "Manchester Siti"dan "Aston Villa"ga o'tgan edi. Transfer summasi 16,8 million evroni tashkil etgandi. O'yinchining klub bilan shartnomasi 2026 yilning yoziga qadar mo'ljallangan. Transfermarkt 25 yoshli braziliyalik futbolchini 55 million evroga baholamoqda.

Joriy mavsumda Luis 23 ta o'yin o'tkazib, 6 ta gol urdi va 4 ta golli uzatmani amalga oshirdi.

15 turdan keyin "Aston Villa" 32 ochko bilan APL turnir jadvalida uchinchi o'rinda bormoqda. Chempionatda "Arsenal" etakchilik qilmoqda (36 ochko).

Emeri shogirdlari navbatdagi o'yinni "Arsenal"ga qarshi o'tkazadi. "Villa Park" stadionidagi uchrashuv 9 dekabr kuni Toshkent vaqti bilan soat 22:30da bo'lib o'tadi.