"Liverpul" Tyuram uchun 35 million evro va bonuslar to'lashga tayyor

"Liverpul" "Nitstsa" yarim himoyachisi Kefren Tyuram uchun kurashda g'alaba qozonishga qaror qildi. Tuttojuve nashri xabariga ko'ra, Yurgen Klopp jamoasining fikricha, bitimni yakunlash uchun frantsuzlarga 35 million evro + bonuslar taklif qilish kifoya.

Eslatib o'tamiz, Turinning “Yuventus” klubi ham Tyuramga da'vogarlik qilmoqda, biroq Massimiliano Allegri jamoasi kerakli miqdorda tovon pulini to'lashga qurbi etmaydi. "Keksa sinora" frantsuzni keyinchalik sotib olish huquqi bilan ijaraga olishga tayyor, bu "Nitstsa"ga to'g'ri kelmaydi.

Joriy mavsumda Tyuram Frantsiya chempionatida 12 ta o'yinda maydonga tushdi va birorta ham samarali harakat qayd etmadi.