"Milan" "Jenoa"ning ruminiyalik futbolchisini kuzatmoqda

Italiyaning “Jenoa” klubining ruminiyalik himoyachisi Radu Dregushin “Milan” manfaatlari doirasiga tushib qoldi. Uni yanvarda qo'lga kiritish qiyin, shu bois "Milan" uni yozda o'z safiga qo'shib olishga harakat qilib ko'radi.

Dregushin xizmatiga boshqa nomzodlar ham bor, hatto unga Angliya Premer-ligasi klublari ham qiziqish bildirgan. "Jenoa" sport direktori Marko Ottolini "Jenoa" yanvar oyida u bilan xayrlashmasligini aytdi: "Buni istisno etaman. Biz hali ham unga muhtojmiz. Umuman bozorga kelsak, Dregushin, albatta, jozibador variant", — dedi Ottolini pianetamilan.it bilan suhbatda.