"Manchester Siti" Kroosni o'z safiga qo'shib olmoqchi

Madridning “Real” klubi yarim himoyachisi Toni Kroos jamoani tark etishi mumkin.

Todofichajes nashri xabariga ko'ra, germaniyalik futbolchini "Manchester Siti" o'z safiga qo'shib olmoqchi. Qayd etilishicha, ingliz klubi Kroosga mavsum uchun 15 million evro maosh taklif qilishga tayyor. Futbolchi "shaharliklar" ustozi Xosep Gvardiolaga "Bavariya"da birga ishlagan vaqtlaridanoq tanish.

Eslatib o'tamiz, Kroos 2014 yilning iyulidan beri "Real"da o'ynamoqda. Joriy mavsumda futbolchi Madrid klubi safida barcha rasmiy turnirlarda 19 ta uchrashuvda ishtirok etib, bitta gol va 5 ta golli uzatmaga mualliflik qilgan.

Ayni damda Ispaniya La Ligasining 15-turidan so'ng “Real” 38 ochko jamg'arib, chempionatda peshqadamlik qilmoqda.