"Milan" posbonini to'rtta top-klub kuzatmoqda

Mayk Menyan va "Milan" o'rtasidagi shartnomani uzaytirish bo'yicha muzokaralar boshi berk ko'chaga kirib qoldi va shu fonda ko'plab top-klublar darvozabonga ko'z tikishmoqda.

Foot Mercato nashri xabariga ko'ra, 28 yoshli Menyanga "Chelsi", "Manchester Yunayted", "PSJ" va "Bavariya" klublari qiziqish bildirmoqda.

Qayd etilishicha, Mayk Menyanni taxminan 70 million evroga sotib olish mumkin bo'ladi.

Aytish joizki, amaldagi shartnoma Menyanni "Milan" bilan 2025/2026 yilgi mavsum oxirigacha bog'laydi. Umuman olganda, darvozabon “rossonerilar” safida 84 ta o'yin o'tkazib, 79 ta gol o'tkazib yuborgan.

Ayni damda “Milan” Italiya chempionati turnir jadvalida uchinchi o'rinni egallab turibdi.