Bakayokoga APLning ikki klubi qiziqish bildirmoqda

PSV Eyndxovenning yosh vingeri Joan Bakayako Londonning ikki klubi qiziqishi doirasiga tushib qoldi. Football Insider nashri xabariga ko'ra, 20 yoshli belgiyalik futbolchini "Tottenxem" va "Brentford" sotib olmoqchi.

Eslatib o'tamiz, Bakayoko yozda Angliya Premer-ligasiga o'tishi mumkin edi, biroq PSV futbolchini Belgiya terma jamoasi sobiq himoyachisi Vensan Kompani boshchiligidagi "Byornli"ga sotishdan bosh tortdi.

Joriy mavsumda Bakayoko Niderlandiya chempionatida uchta gol urdi va ettita golli uzatmani amalga oshirdi. Chempionlar ligasida belgiyalik futbolchi to'qqizta o'yinda bitta gol va beshta golli uzatmaga mualliflik qilgan.