Sebalos uchun kurashda favorit jamoa nomi ma'lum bo'ldi

Yarim himoyachi Dani Sebalos o'yin amaliyoti kamligi tufayli "Real" bilan xayrlashishga yaqin turibdi. Bu haqda Todofichajes portali sahifalarida xabar berildi.

Ispaniyalik yarim himoyachining Angliya chempionatida bir nechta klubida o'ynash imkoniyatlari bor. Birmingemning “Aston Villa” klubi futbolchiga asosiy da'vogar sifatida ko'rilmoqda. Sebalos xizmatlariga "sherlar"dan tashqari "Nyukasl", "Everton" va "Vest Xem" klublari ham qiziqish bildirmoqda.

27 yoshli yarim himoyachining "Real" bilan amaldagi shartnomasi 2027 yilning o'rtalariga qadar tuzilgan. Transfrmarkt portali Danining narxini 12 million evroga baholamoqda.