“Yuventus” Pogba uchun “MYu”ga Duglas Kostani bermoqchi

“Yuventus” klubi rahbariyati “Manchester Yunayted” bilan o'zaro futbolchi almashmoqchi.

“Tuttomercatoweb” xabariga ko'ra, turinliklar “qizil iblislar” a'zosi Pol Pogbani Duglas Kostaga almashish niyatida. Ya'ni agar Pogba Turinga yo'l olsa, Kosta “Manchester Yunayted” a'zosiga aylanadi.

Ma'lumot uchun, joriy mavsumda Kosta 16 ta o'yinda 2 ta golli uzatmani amalga oshirdi. Pogba esa 21 ta o'yinda 5 ta gol urib, 6 ta golli uzatmaga mualliflik qildi. Kostaning narxi 45, Pogbaniki esa 80 mln evroga teng.