"Bayer" futbolchisiga qiziqayotgan klublar soni beshtaga etdi

Leverkuzenning "Bayer" klubi yarim himoyachisi Florian Virtsga kamida 5 ta top-klub qiziqish bildirmoqda.

Insayder Florian Plettenberg bergan ma'lumotlarga ko'ra, "dorichilar" rahbariyati futbolchini 2025 yilning yozida jamoani tark etishini kutmoqda.

Qayd etilishicha, Virts xizmatlariga “Real”, “Manchester Yunayted”, “Manchester Siti”, “Liverpul” va “Bavariya” kabi klublar qiziqish bildirmoqda. Virtsning o'zi hozircha ro'yxatga olingan klublarning birortasiga va'da bermadi, chunki u hozirda e'tiborini "Bayer"da o'ynashga qaratgan.

Eslatib o'tamiz, Virtsning narxi 100 million evro atrofida baholanmoqda. 20 yoshli yarim himoyachi joriy Bundesligada 3 ta gol va 5 ta golli uzatmaga ega.