"Yuventus" Sanchoning variantidan voz kechib, e'tiborini Berardiga qaratmoqchi

Turinning "Yuventus" klubi "Sassuolo" yarim himoyachisi Domeniko Berardiga qiziqish bildirmoqda.

Tuttosport nashri xabariga ko'ra, bosh murabbiy Massimiliano Allegri va sport direktori Kristiano Djuntoli "Manchester Yunayted" futbolchisi Sanchodan ko'ra italiyalik futbolchiga ko'proq e'tibor qaratishni o'ylamoqda.

Biroq "Sassuolo"ning pozitsiyasi "Yuventus"ni qiyin ahvolga solmoqda. "Yashil-qoralar" Berardi uchun 30 million evro tovon puli talab qilmoqdalar, bu esa hozirgi sharoitda "keksa sinora" uchun qimmatlik qiladi.

"Yuventus" Sanchoni sotib olish optsiyasi bilan ijaraga olishi mumkin, ammo buning uchun klub futbolchining maoshining bir qismini to'lash uchun "Manchester Yunayted"ning ham roziligini olishi kerak.