"Manchester Siti" 175 million evrolik futbolchining transferini amalga oshirishga tayyor

"Manchester Siti" hujum chizig'ini kuchaytira oladigan kuch topdi. Todofichajes nashri xabariga ko'ra, Portugaliya terma jamoasi va "Milan" hujumchisi Rafael Leau "shaharliklar"ning qisqa ro'yxatiga kiritilgan. Premer-liga chempioni kelasi yozda futbolchining transferini rasmiylashtirmoqchi.

24 yoshli portugaliyalikning “rossonerilar” bilan shartnomasi 2028 yilning o'rtalariga qadar tuzilgan. Uning milanliklar bilan shartnomasida tovon puli 175 million evroni tashkil etadi. Katta moliyaviy imkoniyatlarga ega "shaharliklar" bu miqdorni to'lashga qodir.

Joriy mavsumda Leau Italiya chempionatida 12 ta o'yin o'tkazdi. Hujumchi uchta gol urdi va uchta golli uzatmani amalga oshirdi.