"Inter" "Jirona"ning ukrainalik hujumchisini ko'zlamoqda

Hozirda Ispaniyaning “Jirona” klubida o'ynayotgan ukrainalik 26 yoshli markaziy hujumchi Artyom Dovbik Italiya chempionatining top-klubida o'ynash imkoniyatiga ega.

Todofichajes nashri xabariga ko'ra, hujumchiga Milanning "Inter" klubi qiziqish bildirmoqda. "Neradzurrilar" keyingi mavsum boshlanishidan oldin o'z tarkibini ukrainalik futbolchi bilan kuchaytirmoqchi. "Jirona" esa o'z navbatida etakchi futbolchilaridan biri bilan xayrlashishni rejalashtirmayapti.

Dovbik “Jirona”ga “Dnepr-1”dan 7,7 million evro evaziga o'tgan edi. Tomonlar o'rtasidagi shartnoma 2028 yil iyun oyi oxirida tugaydi.

La Liganing joriy mavsumida hujumchi 13 ta o'yin o'tkazib, 7 ta gol va 4 ta golli uzatmani amalga oshirdi.