"Korintians" futbolchisiga Evropada talab katta

"Korintians" yarim himoyachisi Gabriel Moskardo Evropaning ko'plab top-klublarining qiziqishlari ro'yxatida turibdi.

Jurnalist Fabritsio Romano bergan ma'lumotlarga ko'ra, braziliyalik futbolchi uchun "PSJ", "Chelsi" va boshqa bir qancha ingliz grandlari kurashmoqda.

Eslatib o'tamiz, avvalroq braziliyalik manbalardan biri Moskardoning "Chelsi"ga o'tishi kelishib olingani haqida xabar bergan edi, biroq Romano bu ma'lumotni rad etdi. Italiyalik insayderning ta'kidlashicha, futbolchi uchun poyga hali ham ochiq.

Moskardoga avvalroq Kataloniyaning “Barselona” klubi ham qiziqish bildirayotgan edi. 18 yoshli Gabriel "ko'k-anorranglilar" sport direktori Dekuni juda yaxshi ko'radi.