"Nyukasl" "Atletiko" futbolchisini kuzatmoqda

Angliyaning "Nyukasl" klubi Madridning "Atletiko" klubining 23 yoshli vingeri Samuel Linoga ko'z tikmoqda. TodoFichajes nashri ma'lumotlariga ko'ra, Eddi Xau jamoasi yosh braziliyalikning muvaffaqiyatini diqqat bilan kuzatib bormoqda.

"Nyukasl" keyingi transfer oynasida transferni amalga oshirishga harakat qiladimi yoki yo'qmi hozircha ma'lum emas. Katta ehtimol bilan "qarg'alar" yozda futbolchi uchun qaytishlari mumkin. Qolaversa, "Atletiko" qishda Linoni sotishi dargumon.

Lino joriy mavsum Ispaniya chempionatida ikkita gol urdi va ikkita golli uzatmani amalga oshirdi. Futbolchi so'nggi mavsumni "Valensiya"da ijarada o'tkazgan va u erda La Ligada 6 ta gol urgan. Linoning narxi 20 million evroga baholanmoqda.