Simeone "Atletiko"ga "Jirona" futbolchisini olib kelmoqchi

"Jirona" yarim himoyachisi Aleysh Garsiya Madridning "Atletiko" klubining nishoniga aylandi.

Todofichajes nashrining xabariga ko'ra, "matraschilar" klubi bosh murabbiyi Diego Simeonening shaxsan o'zi futbolchi bilan shartnoma imzolashni talab qilmoqda. Argentinalik mutaxassisning fikricha, Aleysh jamoaning o'rta chizig'ini kuchaytira oladi.

Avvalroq matbuotda Aleyshning transferiga "Barselona" ham qiziqayotgani haqida xabarlar tarqalgan edi.

Ispaniya chempionatining joriy mavsumida 26 yoshli yarim himoyachi 13 ta o'yin o'tkazib, 3 ta gol va 4 ta golli uzatmani amalga oshirdi. Futbolchining "Jirona" bilan shartnomasi 2026 yilning yoziga qadar tuzilgan.