"Leyptsig" La Ligadan futbolchi olib kelmoqchi

"Leyptsig" "Granada" yarim himoyachisi Brayan Saragosani Emil Forsberg o'rniga olib kelmoqchi, deb xabar bermoqda kicker nashri.

Manbaga ko'ra, 32 yoshli shvetsiyalik futbolchi qishda jamoani tark etib, "Nyu-York RB"ga o'tishni rejalashtirgan. Klub Forsbergni qo'yib yuborishga tayyor, agar unga o'rinbosar topsa. Saragosa asosiy da'vogar sifatida ko'rilmoqda.

Yarim himoyachi "Granada" tarbiyalanuvchisi va akademiyadan asosiy jamoagacha bo'lgan yo'lni bosib o'tgan. Futbolchining klub bilan shartnomasi 2027 yilning yoziga qadar mo'ljallangan. Transfermarkt Saragosani 8 million evroga baholaydi, ammo futbolchining tovon puli 14 million evroga teng.

22 yoshli ispaniyalik futbolchiga "Brentford" ham qiziqmoqda.

Joriy mavsumda Saragosa 13 ta o'yin o'tkazib, 5 ta gol urdi va 2 ta golli uzatmani amalga oshirdi.