"Chelsi" Lukakuga narx belgiladi

Londonning "Chelsi" klubi hujumchi Romelu Lukakuning agentlari bilan belgiyalik futbolchini 40 million evro evaziga qo'yib yuborishga kelishib oldi. Bu haqda italiyalik jurnalist Fabritsio Romano o'zining ijtimoiy tarmoqlarida aytib o'tdi.

Eslatib o'tamiz, Lukaku joriy mavsumni "Roma"da ijara asosida o'tkazmoqda. Rimliklar mavsum oxirida hujumchini 40 million evroga sotib olish imkoniyatiga ega bo'ladi, ammo bu amalga oshmasa, "ko'klar" boshqa xaridorlarni qidiradi.

Lukaku Italiya A Seriyasida 10 ta uchrashuvda 6 ta gol urdi. Yozda belgiyalik futbolchining "Inter" va Turinning "Yuventus" klublariga o'tish imkoniyatlari barbod bo'ldi.