Losano MLSga yo'l olishi mumkin

MLSning "Los-Anjeles Gelaksi" klubi o'z tarkibini meksikalik vinger Irving Losano bilan kuchaytirmoqchi. Bu haqda Fabritsio Romano ijtimoiy tarmoqlarida xabar berdi.

Fabritsioning ta'kidlashicha, tomonlar yozda muzokara olib borishgan, ammo keyin Losanoni yangi klubga o'tkazish bo'yicha kelishuv amalga oshmay qolgan. Shu bois, bu qishda Amerika klubi 28 yoshli futbolchini o'z tarkibiga jalb qilish uchun yangi urinishlarni amalga oshiradi.

O'tgan yozda Irving PSV Eyndxovenga qaytgandi, ammo shundan so'ng uning narxi sezilarli darajada tushib ketdi. Niderlandiya klubiga o'tishdan oldin meksikalik futbolchi Italiya chempioni "Napoli"da o'ynagan. Futbolchi 2019 yildan 2023 yilgacha "adzurrilar" safida o'ynagan.