"Chelsi" bu masalani yanvar oyidayoq hal qilmoqchi

“Brentford” hujumchisi Ayvan Toni faoliyatini “Chelsi”da davom ettirishi mumkin. Bu haqda Football.London nashri xabar bermoqda.

Manbaning xabariga ko'ra, London klubi 27 yoshli futbolchini qishda sotib olish imkoniyatini jiddiy ko'rib chiqmoqda. Qayd etilishicha, Tonining o'zi keyingi transfer oynasida "Brentford"ni tark etish niyatida.

Avvalroq, angliyalik futbolchining xizmatlariga "Arsenal", "Tottenxem" va "Manchester Yunayted" klublari ham qiziqish bildirayotgani xabar qilingandi. "Brentford" rahbariyati uning uchun 115 million evro talab qilishi kutilmoqda.

Eslatib o'tamiz, Toni joriy mavsumning birinchi qismini diskvalifikatsiya tufayli o'tkazib yubormoqda. Premer-liganing so'nggi mavsumida hujumchi 33 ta o'yinda maydonga tushib, 20 ta gol urdi va 4 ta golga assistentlik qildi. Transfermarkt portali ayni damda angliyalik futbolchini 35 million evroga baholamoqda.