"Tottenxem" "Barselona" bilan o'zaro futbolchi almashtirishi mumkin

"Tottenxem" Rafinya Dias evaziga "Barselona"ga o'z futbolchisini taklif qilishi mumkin.

Avval xabar qilinganidek, braziliyalik vinger "shporlar"ning transfer maqsadiga aylangan. Biroq, Sport nashri xabariga ko'ra, "Tottenxem" "Barselona" talab qilganidek, Rafinya uchun 70 million evro to'lamoqchi emas, shu sababli shartnomaga boshqa futbolchi, markaziy himoyachi Kristian Romero ham kiritilishi mumkin. Transfermarkt portali 25 yoshli argentinalik futbolchining narxini 60 million evroga baholamoqda.

Joriy mavsumda Romero “Tottenxem”ning 11 ta uchrashuvida qatnashib, 2 ta gol urdi. Jahon chempionining London klubi bilan shartnomasi 2027 yilning o'rtalariga qadar tuzilgan.