Vernerga La Ligadan ham xaridor paydo bo'ldi

Huquqlari "Leyptsig" klubiga tegishli bo'lgan 27 yoshli germaniyalik hujumchi Timo Verner Ispaniya chempionatiga o'tishi mumkin. Bu haqda Todofichajes portali xabar bermoqda.

Manbaga ko'ra, markaziy hujumchi bilan "Sevilya" qiziqish bildirmoqda. Andalusiya klubi futbolchini keyingi transfer oynasida qo'lga kiritishga harakat qiladi. Vernerning bozor qiymati 20 million evroga baholanmoqda. Uning "buqalar" bilan mehnat shartnomasi 2026 yilning o'rtalariga qadar tuzilgan.

Germaniya chempionatining 2023/2024 yilgi mavsumida Timo sakkizta o'yin o'tkazdi. Hujumchi ikkita gol urdi (bittasi penaltidan).