Ibrohimxalil Yo'ldoshevning jamoadoshiga Frantsiya klubi qiziqish bildirmoqda

Frantsiyaning "Nant" klubi "Nijniy Novgorod" jamoasi yarim himoyachisi Edgar Sevikyan bilan shartnoma imzolash imkoniyatini o'rganmoqda, deb xabar bermoqda Rossiyaning "Sport Ekspress" nashri.

Manbaga ko'ra, Frantsiya klubi Armaniston terma jamoasi futbolchisining narxi borasida surishtiruv o'tkazgan. "Nijniy Novgorod" 22 yoshli yarim himoyachini 3,5 million evro evaziga qo'yib yuborishga tayyor.

"Pari NN" bosh direktori David Melik-Xuseinov Sevikyanga Evropadan qiziqish borligini tasdiqladi.

"Edgar haqida kimdir bizga murojaat qilganiga bir hafta bo'lmadi. Bizda juda ko'p takliflar bor. Gap Evropa klublari haqida ham ketmoqda. Biz futbolchilarimizni rivojlantiramiz va o'zimizni rivojlantiramiz. Agar futbolchilarimizdan biri boshqa klubda baxtli bo'lishini o'zaro tushunishga kelsak, bundan biz ham rivojlanishga ma'lum turtki bo'lamiz" dedi Melik-Xuseinov "SE" nashriga.