"Bavariya" futbolchisiga APLning uchta grand klublari qiziqish bildirmoqda

Himoyachi Alfonso Devisga Angliya Premer-ligasining uchta top-klubi – "Chelsi", "Liverpul" va "Manchester Siti" qiziqish bildirmoqda.

Biroq, 90min nashri xabariga ko'ra, 23 yoshli kanadalik futbolchi "Real Madrid"ga o'tishni afzal ko'rmoqda. "Bavariya"da ham xuddi shunday fikr hukmron, garchi myunxenliklar Devisni o'z safida saqlab qolish umidini yo'qotmayotgan bo'lsa ham.

Oldinroq Alfonso Devis "Real" libosini kiyib ko'rish istagi tufayli "Bavariya" bilan shartnomasini uzaytirishdan bosh tortayotgani haqida xabar berilgandi.

Transfermarkt portali Alfonso Devisni 70 million evroga baholamoqda.