«Real» Kilian Mbappeni o'z safiga qo'shib olish fikridan qaytmagan

Madridning “Real” klubi Kilian Mbappe bilan shartnoma imzolash umididan voz kechmagan.

“Qaymoqranglilar” frantsuz hujumchisini o'z safiga qo'shib olish fikridan qaytgani, agarda u “PSJ”ni erkin agent sifatida tark etsa ham, u bilan shartnoma imzolamasligi ma'lum qilingandi.

Biroq, RMC Sport nashrining xabariga ko'ra, klub Mbappeni o'ziga jalb qilish g'oyasidan bosh tortmagan. Lekin endilikda Madrid klubi birinchi qadamni o'zi bosmaydi. Qachonki, Kilianning o'zi faollik ko'rsatib, muzokaralar boshlashga tayyorligini bildirsagina, transfer bo'yicha ishlar boshlanadi. “Agar Mbappe “Real”ga o'tishni xohlasa, bu bilan uning o'zi shug'ullansin”, — deyiladi xabarda.

“Real” 2022 yildagi vaziyatga tushishni istamaydi. O'shanda Mbappe madridliklar safiga o'tishga yaqin turgandi, biroq yakunda futbolchi “PSJ” bilan shartnomani uzaytirgan.

Kilianning parijliklar bilan amaldagi shartnomasi 2024 yilda yozida o'z nihoyasiga etadi.