Mbappening "Real"ga o'tishi amalga oshmasligi mumkin

Kelgusi yoz Kilian Mbappe uchun "Real"ga o'tish uchun ikkinchi ideal vaqt. 2022 yilda hujumchi erkin agent sifatida "Santyago Bernabeu"ga o'tishi mumkin edi, ammo keyin u "PSJ" bilan shartnomasini uzaytirishni afzal ko'rdi. Mbappe 2023/2024 yilgi mavsum oxirida ikkinchi shunday imkoniyatga ega bo'ladi.

Biroq, Mbappe "Real Madrid" libosini kiyadi, deyishdan ma'no yo'q. The Telegraph nashri Kilianning Madrid superklubiga potentsial transferi bilan bog'liq qiyinchiliklar tasvirlangan maqola chop etdi.

Gap shundaki, “qaymoqranglilar”ning moliyaviy ahvoli optimal darajada emas va Madridliklar Mbappeni hatto erkin agent sifatida ham sotib olishga qurbi etmaydi. Materialda qayd etilishicha, frantsiyalik futbolchi katta maosh so'raydi - yiliga taxminan 70 million evro. Bu muammo bo'lishi mumkin.

Kilian Mbappe dekabr oyida 25 yoshga to'ladi. Transfermarkt portali "PSJ" hujumchisini 180 million evroga baholamoqda.