"Manchester Siti" "Chelsi" futbolchisini ko'z ostiga olib qo'ydi

"Manchester Siti" o'z tarkibini kuchaytirish ustida ishlamoqda.

Transfer News Live nashrining xabar berishicha, "Manchester Siti" "Chelsi" sardori Ris Jeymsni o'z safiga qo'shib olmoqchi. Angliya chempionlari bu futbolchini uzoq muddatda himoya qanotida Kayl Uokerning o'rnini bosa oladigan shaxs sifatida ko'rmoqda.

Ris Jeyms dekabr oyida 24 yoshga to'ladi. Transfermarkt portali himoyachini 55 million evroga baholamoqda.

Eslatib o'tamiz, 2023/2024 yilgi mavsumda Ris Jeyms atigi beshta o'yin o'tkazdi. Chunki, "Chelsi" sardori jarohati tufayli uzoq vaqtni o'tkazib yubordi.