"Real" futbolchisi qishda "Bayer"ga ko'chib o'tishi mumkin

Hujumkor yarim himoyachi Braim Dias "Real Madrid" tarkibida kam o'yin amaliyotiga ega bo'lmoqda. Vaziyatdan kelib chiqqan holda, 24 yoshli futbolchi qishki transfer oynasida klubini o'zgartirishi mumkin.

TodoFichajes nashri xabariga ko'ra, Dias yanvar oyida "Real"ni tark etib, "Bayer"ga o'tishi mumkin. Leverkuzenliklar bu futbolchini ijaraga olishi mumkin. Qayd etilishicha, Braimga "dorishunoslar" ustozi Xabi Alonsoning boshqaruvi juda yoqadi.

Transfermarkt portali Braim Diasni 20 million evroga baholamoqda.

"Bayer" ajoyib mavsumni o'tkazmoqda. Ayni paytda Xabi Alonso jamoasi Bundesliga turnir jadvalida birinchi o'rinni egallab turibdi.